Kobe, na-pressure kay Kyline?!
![Kobe, na-pressure kay Kyline?!](https://media.philstar.com/photos/2024/08/16/kyline_2024-08-16_21-01-34.jpg)
Nag-panic ang netizens nang hindi nila makita ang Instagram account ng anak ni Benjie Paras na si Kobe Paras.
Napakomento ang fans sa account ng Kapuso actress na si Kyline Alcantara nang hindi nila mahanap at malamang deactivated ang account ng rumored boyfriend nito.
Napatanong naman ang iba kung bakit hindi na raw ito naka-follow sa actress na siguradong nakabantay kaya nalaman ito.
Meron namang netizens ang nagsabi na maaari raw nakulitan na ito dahil lagi itong tina-tag o mine-mention tuwing may post si Kyline. Totoo naman daw napapasaya ng dalawa ang mga tagahanga pero itigil na raw na parang responsibilidad ng mga ito na pakiligin sila dahil hindi naman daw magka-loveteam ang mga ito. Pine-pressure raw kasi ng mga ito na i-like ang bawat post ni Kyline.
Hindi rin daw naman ibig sabihin na nag-deactivate ito ay ili-link agad sa hiwalayan lalo na at wala pa naman silang inaamin. Sinabi nga ni Kobe na great friends lang sila na hindi pinaniniwalaan ng fans.
May nagsabi naman na may bago na raw itong account kagaya ni Cristine Reyes na nag-deactivate rin at pinaghihinalaang hiwalay na sa boyfriend na si Marco Gumabao.
- Latest