Misis ni John Estrada na si Priscilla lumayas pa-Brazil, aktor may iba raw kasama sa boracay
![Misis ni John Estrada na si Priscilla lumayas pa-Brazil, aktor may iba raw kasama sa boracay](https://media.philstar.com/photos/2024/07/15/pricilla_2024-07-15_22-15-50.jpg)
Nag-live kahapon sa kanyang Facebook page ang misis ni John Estrada na si Priscilla Meirelles.
Kasalukuyan pala itong nagbabakasyon sa Brazil kasama ang kanilang anak habang nasa Boracay si John at diumano’y may ibang kasamang babae.
Matagal ding nag-live si Priscilla - pagkagaling sa mall hanggang umuwi sa condo ng kanyang mommy.
Pero pinagdiinan niya sa nasabing live video na babalik siya ng bansa sa August kasama ang kanilang anak.
Sinabi rin niyang respeto lang ang kanyang kailangan.
“I want you to remind all to always be kind. We don’t know the battles of the other person; we don’t know what they are going through. Pero.. We should always remember respect; it’s the most important thing that exists. Respect sa tao.. We need to respect each other; hindi ko talaga kaya ‘yung mga taong walang respect kahit kanino. We need to respect mga magulang, mga asawa, and mga anak,” bahagi ng kanyang statement nang makarating na sa condo ng kanyang mommy sa Manaus, Brazil. Pero walang particular na nabanggit kung saang respeto ‘yun.
Aniya pa, ‘yung mga bagay na nakikita sa social media “they are not always true to life. I hope you guys understand that being a celebrity sometimes you know we go through things and you do things and you do for the kapakanan ng lahat ngunit hindi ito nagpapakita kung sino ka bilang isang tao. Hindi ito sumasalamin sa kung ano ang nasa iyong puso,” sabi niya na English-Tagalog.
- Latest