Sheryl, muntik pakasalan si Anjo!

Ni-reveal ni Sheryl Cruz na nag-propose ng kasal sa kanya noon ang aktor na si Anjo Yllana. Panahon ito noong ginawa nila ang pelikulang Milyonaryong Mini in 1996.

Pero nauwi raw sa wala ‘yung alok na kasal ni Anjo dahil lumabas ang balitang nabuntis nito ang aktres na si Jacqui Manzano na kasama rin nila sa pelikula. Si Jacqui ang pinakasalan ni Anjo at meron silang apat na anak.

Kuwento ni Sheryl sa Fast Talk with Boy Abunda: “He asked for my hand in marriage, and I said yes. And then I found out na he got somebody pregnant, so kahit papaano ‘di ba, he broke my heart.”

Sinubukang makipagbalikan kay Sheryl noong pareho na silang hiwalay sa partners nila. Kinasal sa Amerika si Sheryl kay Norman Bustos noong 1996 at nag-divorce sila in 2008.

“By the time I went back here sa Philippines, I got separated and divorced. And then nagkaroon kami ng moment wherein we were able to see each other again and we were able to catch up on things and tried to, I guess have another go at it.”

Pero wala raw nangyaring balikan at nanatili na lang silang magkaibigan.

Sexy star, biglang naging choosy sa trabaho

Thankful ang Vivamax star na si Quinn Carillo dahil sa pagkakataong mapasama sa primetime series na Asawa Ng Asawa Ko.

Marami ang natutuwa sa role niya as Leslie, ang best friend na hindi tino-tolerate ang kabaliwan ni Shaira (Liezel Lopez).

Dahil nakapag-mainstream na siya, pipiliin na raw niya ang projects na gagawin niya for Vivamax. Ilan sa mga nagawa niya ay Silab, Island of Desire, Moonlight Butterfly, Eva at Showroom.

Rapper na si Sean ‘Diddy’ Combs, nadagdagan ang kasong panghahalay!

Nadagdagan ang kasong sexual assault ng rapper na si Sean “Diddy” Combs dahil sa model na nagsalita na ginawang pagdroga at panghahalay sa kanya.

Ayon may Crystal McKinney, she was 22 noong makilala niya si Diddy noong 2003 sa isang fashion event sa New York. Sinama raw siya ni Diddy sa kanyang studio kung saan maraming lalake ang lasing at sabog sa droga.

“Diddy had laced the joint with a narcotic or other intoxicating substance. I felt very intoxicated and like was floating. Diddy forced himself on me and began kissing me without my consent. He forced me to perform oral sex on him,” kuwento ni Crystal na muntik nang mag-suicide dahil sa naranasan niyang trauma noong gabing iyon.

Noong mapanood daw niya ang nag-viral na video ni Diddy na binubugbog si Cassie Ventura sa isang hotel, naglakas loob siyang magsalita na at i-expose ang mga maling ginawa nito sa kanya.