Nag-retire na female personality, magkakaroon na ulit ng power!

Magbabalik daw ang isang loved female personality sa programang may issue ngayon.

May isa namang magkakaroon ng early retirement upang mawala na sa show.

Eh living comfortable na naman ang magre-retire pero ang mawawala sa kanya ay ang power na mamahala ng isang programa, Salve A.!

KLEA, basted sa katrabaho?!

Walang binatbat ang kaguwapuhan nina Jak Roberto, Jeric Gonzales at Andre Paras noong naka-date sila ng Kapuso Sparkle artist na si Klea Pineda.

Sinabi ni Klea sa interview kay Boy Abunda sa show niyang Fast Talk na sinubukan din niyang mag-date ng lalaki noong hindi pa siya buking na tomboy.

Pero ayon kay Klea, “Walang spark. Mas gusto ko pa rin ang girl! Ha! Ha! Ha!”

Kaya naman ng ibinalandra na ni Klea na tomboy siya, marami rin ang natuwa sa ginawa niya lalo na ang co-stars niya sa GMA afternoon prime drama na AraBella kabilang ang mga bidang sina Althea Ablan at Shayne Sava.

“Alam na po namin ‘yan pati kasama namin sa programa. Kaya happy kami sa desiyon niyang mag-come out as gay,” kapwa parehong sabi nina Shayne at Althea.

Pero ang dinig namin, may natipuhang co-star na girl si Klea na nakasama niya sa isang series. Hiwalay na ang girl sa asawa at nakagawa na ng isang GL (Girl Love) series online.

‘Yun nga lang, hindi siya pinursige ni Klea dahil iba ang kanyang love ngayon na ipinakita niya in public sa show ni Boy, si Katrice Kierulf!

Pero si Althea, boy ang gusto dahil balitang may Prince Clemente na siya habang bokya pa sa lalaki si Shayne!