Bitoy at Manilyn, ‘di pa tanggap ang pagkawala ni Direk Bert  

Kapwa nagbigay ng simpleng tribute sa social media ang Pepito Manaloto stars na sina Michael V. at Manilyn Reynes sa pumanaw nilang direktor na si Bert de Leon.

Sa Instagram post ni Bitoy, photo niya na naka­yakap siya kay Direk Bert at may caption na “Cut! Good take! Moving on ...”

Bukod sa Pepito Manaloto, naging direktor din ni Bitoy si Direk Bert sa long-running gag show na Bubble Gang. Kaya matagal ding natanggap ni Bitoy ang pagkawala ni Direk Bert.

Si Manilyn naman ay nag-post sa IG ng photo nila ni Direk Bert at nilagyan lang niya ito ng caption na “Direk Bert...”

Tinuring ni Mane na ikalawang ama na si Direk Bert. Noong nakaraang January ay pumanaw ang ama ni Mane na si Mr. Nelson Clarin Reynes. Kaya muli na namang nawalan ng tinitingalang ama ang aktres.

Pumanaw si Direk Bert noong nakaraang Nov. 21 dahil sa sakit na COVID-19. Naulila ni Direk Bert ang partner niyang Annalyn Nakpil Jomeo at ang anak nilang si Yanna na limang-taong-gulang.

Mahigit P2M na ang bill… Andrew Schimmer, humihingi ng tulong para sa misis na na-asthma attack

Sa kanyang Facebook account ay humihingi ng tulong ang aktor na si Andrew Schimmer para sa kanyang misis na si Jorhomy “Jho” Reiena Rovero na kasalukuyang nakikipaglaban sa sakit na severe hypoxemia.

Nagkaroon ng severe asthma attack si Jho na nag­resulta sa cardiac arrest at brain hypoxia o pagkawala ng oxgyen sa utak.

Ayon sa Facebook post ni Andrew, tatlong linggo na ang misis niya sa neurosciences critical care unit ng St. Luke’s Medical Center sa BGC, Taguig.

Malaking halaga ang kinakailangan para sa pagpapagamot ng kanyang misis kaya naman naglakas-loob na siyang humingi ng limos sa mga kasamahan at kaibigan niya sa loob at labas ng showbiz.

Hinaing ni Andrew: “Nangangailangan po siya ngayon ng malaking halaga upang maipagpatuloy po ang kanyang mga medications sa intensive care unit.”

Umabot na raw kasi sa mahigit dalawang milyong piso ang bill ng pasyente sa ospital kaya kahit anong halaga daw ay malugod na tatanggapin ng kanilang pamilya.

Sa mga nais magpaabot ng tulong, maaaring ipadala ang inyong donasyon sa alin man sa mga account na ito:

Ruby Jennifer Rovero (Jorhomy’s sister)

GCash: 09173011957

BDO: 004600187507

Jherome Rovero (Jorhomy’s brother)

GCash: 09678906366

Nakilala si Andrew dahil sa binuo na grupo noon ni Douglas Quijano na G4 noong 2003. Kasama ni Andrew sa G4 ay sina Benj Besa, Kiel Rodriguez at Jay Aquitania. Lumabas sila sa GMA shows na Kool Ka Lang at Kakaba-Kaba Ka Ba? Lumabas din si Andrew sa mga sexy na pelikula tulad ng Green Paradise, Project X, Torotot at Eskandalo.

Madonna, nilantad ang pinagdaanang hip surgery

Naging open na ang Queen of Pop na si Madonna sa naging hip surgery niya last year. Iniwasan daw pag-usapan ng singer ang topic na ito for personal reasons.

Sa Madame X Presents: Madame Xtra Q&A, a special for Paramount+ ni-reveal ng singer ang pinagdaanan na hip replacement surgery.

“During my [2019 Madame X] tour — I don’t know if you’ve noticed it, but I’m limping a lot — I was in more pain that I’ve ever been in in my life. I’m a bionic woman — I had hip replacement surgery,” sey ni Madonna.

Pinost pa ng singer sa kanyang social media account ang ilang photos after ng surgery niya. Inamin ni Madonna na sobrang sakit daw ng pinagdaanan niyang surgery.

Madame X Presents: Madame X Q&A is streaming on Paramount+ now.