Art works ni Scarlet may pasubasta

Bongga ang anak nina Dr. Vicki Belo at Hayden Kho na si Scarlet Snow.

May announcement si Scarlet sa kanyang Instagram na ipapasubasta niya ang kanyang art works upang makatulong sa mga scientists sa Philippine Genome Center at Research Institutte for Tropical Medicine.

Katulong ni Scarlet ang Kuya Quark Henares niya sa fund raising. “I have drawings from my live art session that my kuya @quarkhenares’ team is helping me to auction off,” bahagi ng caption ng bata.

Mag-comment ng inyong bid sa IG photo ng art work ni Scarlet at ang Kuya Quark na niya ang magta-track nito.

Alden may bagong ayuda sa frontliners

Nagpahatid ng bagong ayuda ng packed meals si Alden Richards. Katuwang ni Alden ang negosyanteng si Raymond Ronquillo sa handog nilang ito sa mga apektado ng COVID-19.

Inilabas ni Alden ang isang video sa kanyang Instagram story last April 14 na inihahanda ni Ronquillo ang pagkain na abot sa 1,000.

Sa IG naman ni Raymond, ipinakita niya ang litrato ng isang truck na gamit sa pagdi-deliver ng ayuda.

Bago ang latest na tulong, namahagi na rin siya kasama ang pamilya ng goods para sa frontliners sa Laguna.

Of course, todo paalala rin ang Asia’s Multimedia Star sa kanyang social media account para protektahan ang sarili sa virus.