Bida ang mga tatay ngayong araw na ito sa selebrasyon ng Father’s Day.
Para kay Dingdong Dantes, simple ang gusto niyang selebrasyon kasama si Marian (Rivera) at mga anak na sina Zia at Baby Ziggy. Kumbaga, walang bonggang selebrasyon o di kaya’y bakasyon grande sa beach.
“Daily routine at chill lang paggising sa umaga,” saad ni Dong sa huling interview niya sa press.
Of course, knowing Yan Yan, may pasabog ‘yan sa mahal na asawa kahit nasa bahay lang sila, huh!
Kaya ‘yung may mga tatay pa, mahalin ninyong mabuti ang inyong mga ama habang kapiling niyo pa. Happy Father’s Day sa lahat ng tatay na paboritong basahin ang PM!
Enchong nagpahayag ng galit sa China
Matapang si Enchong Dee sa pagpapahayag ng sentimiyento niya sa mga kababayan nating mangingisda na nakabangga ang umano’y Chinese vessel sa karagatang sakop ng ating bansa.
“Ang liit ng tingin satin ng ibang bansa mas maliit pa yan pag hinayaan nating manahimik para sa mangingisda natin laban sa mga bully,” tweet ni Enchong na walang pinangangalanang bansa o tao.
Matatandaang naging matapang din si Enchong sa pagbatikos sa ilang senatoriables nu’ng nakaraang eleksyon, huh!
Robi nag-sorry sa ‘pagmumura’
Galit na galit ang TV host na si Robi Domingo nang malaman niyang nagpapadala ng rude messages ang poser niyang may user name na @iamrobidomingo.
Humingi tuloy si Robi ng apology sa nakatanggap ng massages mula sa poser niya. “I have seen some of the rude messages that account sent to people. Let this be a lesson not only to verify an account but also to respect others. #KarmaWillGetYou,” bahagi ng tweet ni Robi.