Erik King of TV OST!

Hindi makapaniwala si Erik Santos na siya ang itinanghal na King of TV OST kamakailan lang bilang artist na may pinakamaraming nai-record na original at official soundtrack ng mga teleserye at movie. Ito ay ang pagkilala ng awards ng Dailymotion, ang bagong online channel ng ABS-CBN at Star Music para sa mga popular video player na nagsisilbing discovery platform nito.

Sakto ang awards ng Kapamilya balladeer kaya naman nakatanggap siya ng parangal.

Pinagsama-sama ni Erik ang OST hits sa kanyang new album na tampok ang themesong ng mga teleserye at pelikula sa loob ng 15 years na kasing tagal din ng kanyang taon sa industriya.

Excited din ang Prince of Pop dahil nakipag-collaborate siya sa mga magagaling na singer ng bansa. Pinasilip na rin niya ang ibang singing artists na makakasama niya sa pagri-record sa mga music video sa kanyang bagong album gaya nina Regine Velaquez-Alcasid, Martin Nievera, Gary Valenciano, Sarah Geronimo, Yeng Constantino, at iba pang mahuhusay na singer ng bansa.