Aktor na pinararamdam na intelligent, nasupalpal ng staff ng show

Imbyerna ang staff ng isang television show sa aktor na guest nila kamakailan.

Feeling know it all at very intelligent ang drama ng aktor na maangas at sobrang lakas ng dating kaya nairita sa kanya ang production staff.

Very true naman na matalino ang aktor pero ipinaramdam nito sa staff na super intelligent siya.

Ang sabi ng staff, ang tipo ng aktor ang lalong yayabang at magmamaliit ng kapwa kung naging sikat na sikat siya. Mabuti na lang daw, hindi sumikat ang aktor tulad ng isang kamag-anak niya.

Actually, marami akong nababalitaan na bad things tungkol sa aktor. Sa taping ng isang teleserye, nakisali siya sa pagtalak ng malditang aktres sa pobreng production assistant.

Eh marunong rumesbak ang production assistant na inapi. Pinagsabihan niya ang mayabang na aktor na huwag makialam at makisawsaw dahil hindi siya kasali sa isyu.

Napahiya ang aktor na biglang nanahimik dahil hindi umubra ang kayabangan niya sa palaban na production staff.

Mari mas gusto ang Sam na babae

Hindi shocking ang pag-amin ni Mari Jasmine na kapwa babae ang kanyang karelasyon at ipinalit niya sa ex-boyfriend na si Sam Milby.

Para aminin ni Mari Jasmine ang pagpatol niya sa same sex, tiyak na true love nga ang kanyang nararamdaman para sa direktor na Samantha Lee ang name.

Hindi natin masisisi si Mari Jasmine dahil baka nga mas maligaya siya na makipagrelasyon sa isang babae kesa sa lalake.

Ang gays and girls na nagpapantasya kay Sam ang nanghihinayang dahil inggit na inggit sila noon kay Mari Jasmine.

Hindi nag-iisa si Mari Jasmine dahil hindi siya ang una at huling babae na maganda at matalino na papatol sa same sex. Marami akong kilala na artista, lalake at babae, na may karelasyon na kapwa lalake at babae pero lihim na lihim dahil afraid sila na maapektuhan ang kanilang mga career.

Isa lang si Mari Jasmine sa mga babae na malakas ang loob na aminin ang katotohanan kaya kinaiinggitan ang kanyang girlfriend na si Samantha.

Pupusta ako na wanted ngayon si Sam ng mga reporter na gustong malaman ang reaksyon niya sa bonggang revelation ng kanyang ex-girlfriend.

Marami pa rin ang hindi makapaniwala na magagawa ni Mari Jasmine na ipagpalit sa kapwa babae ang isang guwapo at sikat na kagaya ni Sam.

Ang feeling ko, Sam din ang nickname ni Samantha kaya from Sam to Sam ang kuwento ng lovelife ni Mari Jasmine.