Disabled pa rin ang comment section sa IG account ni Nadine Lustre na kasalukuyang nasa Dubai para sa promo ng critically acclaimed movie nila ni James Reid na Never Not Love You.
Ipalalabas ang nasabing pelikula sa UAE cinemas starting today na tiyak na dadagsain ng mga kababayan nating Pinoy sa naturang bansa kung saan magkakaroon din ng meet and greet si Nadine.
Thirty five cinemas ang paglalabasan ng pelikula sa buong Middle East kasama na ang mga sinehan sa Dubai.
Ang Never Not Love You ang first Tagalog film na ipalalabas sa Middle East matapos magkaroon ng agreement si Boss Vic del Rosario sa theaters owners and producer sa Middle East.
Umalis ng Manila si Nadine sa kainitan ng isyu nang umano’y pananabig niya sa isang fan na nagbababad sa pakiki-selfie sa boyfriend niyang actor.
Pero kitang-kita sa video ang ginawa ng fan na super patol sa issue bilang nakikilala nga naman siya. Pero hindi siya nagtagumpay matapos siyang kastiguhin ng JaDine fans.
After Never Not Love You ay kanya-kanya muna silang project ni James.