Bistek gustong bumalik sa TV

Sooner or later ay huwag kayong magtataka kung isang araw ay bumulaga sa inyo si QC Mayor Herbert “Bistek” Bautista sa noontime daily show na Eat Bulaga.

Gusto rin kasi ng Actor-Mayor ng QC na buhayin ang dating TV career niya, hindi naman makakasagabal sa trabaho niya as leading man of Quezon City if ever na maging-active siya muli sa TV, lalo sa Eat Bulaga, Monday to Saturday, 12 - 1 p.m., or 1 p.m. - 2 p.m., daw ang oras ng lunchbreak niya na madalas ay tsika with friends and visitors, watching TV sa office at iba pang non-political work ang kanyang ginagawa.

Nasa office raw siya sa ganyang oras or ‘pag may invitations na kailangang puntahan ay pinupuntahan niya.

Pero nagkaideya si Mayor Bistek na puwede pala siyang mag-join sa isang noontime show, like Eat Bulaga, dahil halos nakasabayan din niya sina Tito Sotto, Vic Sotto & Joey de Leon.

Noon naman nasa isang drama show si Mayor Bistek, ang Flor de Luna, e super lakas sa TV survey ng nasabing show.

Nami-miss pa rin daw ni Mayor ang madalas na TV appearance. Naramdaman daw niya ito sa promosyon ng pelikula nila ni Maricel Soriano, ang Lumayo Ka Nga sa Akin. Sa telebisyon kasi nagsimula ang TV career ni Herbert bago nag-pelikula.

Maine at Alden, hindi itinuloy ang pag-endorse ng gasolinahan

Dapat pala ay magiging endorser din sina Maine Mendoza at Alden Richards ng isang gasoline distributor.

Sayang at hindi raw ito natuloy, kasi si Maine ay anak ng may-ari ng isang gasoline station sa kanilang bayan sa Bulacan.

Delikadesa kasi tiyak ang nasabing tatak ng gasolina ay kalaban ng sa kanila.

Hindi naman pera ang mahalaga, kahit milyon ang TF as endorser, kundi prinsipyo.