Walang plano si Andi Eigenmann na pag-artistahin ang anak na si Ellie.
Wala namang against si Andi sa showbiz, pero ayaw niyang maranasan ng anak ang mga isyu at intriga na pinagdaraanan niya bilang artista.
Puwede naman daw na ibang field na lang ang pasukin ng anak tulad halimbawa ng maging doctor o model. Alam naman ni Andi na hindi madali ang buhay-showbiz.
Samantala, magpapamalas muli ng galing si Andi sa latest movie nitong Angela Markado at aminado ang aktres na napalaban siya hindi lang sa malalim na aktingan, kundi pati pisikalan lalo na sa kanyang torture scene. Grabe raw ang eksena at ibinuhos niya ang lahat ng lakas sa movie.
Chito ginagaya ang ugali ni Duterte
Hindi natitinag si Chito Miranda, bokalista ng Parokya ni Edgar sa pagbibigay ng suporta kay Mayor Rodrigo Duterte na tumatakbong presidente.
Katulad ni Duterte, matapang din si Chito na mag-post sa kanyang Instagram account ng kanyang side at pagtatanggol kung bakit hindi nagbabago ang kanyang desisyon sa kabila ng maraming isyu na ipinupukol sa kanyang manok.
Naniniwala si Chito, kung paano naging maayos ang panunungkulan ni Duerte sa Davao, ay puwede ring magawa ni Mayor Rodrigo sa buong bansa.