MANILA, Philippines - Makikanta at makisaya na sa pagdiriwang ng Soul Diva na si Jaya ng kanyang 25th anniversary sa industriya dahil mapapanood na ngayon Linggo (Pebrero 8) ang kanyang concert na Jaya Memories...25 sa Sunday Night Box Office (SNBO).
Ibibirit ni Jaya ang mga pinasikat niyang kanta na hitik sa hugot, at ilang mga kanta mula sa international artists. Samahan siya sa pagbabalik-tanaw sa nakaraan, mula sa pagpasok niya sa industriya, hanggang sa makamit ang katanyagang mayroon siya sa kasalukuyan. Isang pasasalamat ang concert na ito para sa kanyang mga fans na walang sawang sumuporta sa kanya.
Mas nagningning ang gabi sa Grand Ballroom ng Solaire Resort and Casino dahil sa pasabog na pagtatanghal ng Fearless Diva Jonalyn Viray at Faith Cuneta.
Kasama rin sa kantahan ang pinakamalalapit na mga kaibigan ng Soul Diva, ang Asia’s Songbird Regine Velasquez-Alcasid, King of Soul Janno Gibbs, at Singer-songwriter Ogie Alcasid.
Hindi dapat palampasin ang Jaya Memories...25 sa SNBO ngayong Linggo pagkatapos ng Kapuso Mo, Jessica Soho sa GMA.