Marian may bridal billboard pa!
Tumawa na lamang si Marian Rivera nang sabihin sa kanyang bina-bash siya dahil marami raw siyang bridal showers. Sey na lamang ng magandang bride-to-be, siguro raw marami ring bridal showers ang mga ikakasal na babae tulad niya pero dahil artista siya, nasusulat lahat at napupuna. Mas nakakahiya raw kung bibigyan siya ng bridal shower at sasabihin niyang “huwag na po, marami na akong bridal shower.” Hindi raw niya kayang tanggihan ang Tita Celia (Rodriguez) niya na talaga namang nasorpresa siya nang dumating sa Crimson Hotel ang mga classmates niya sa college noong 2005, mga pinsan ni Dingdong (Dantes) at mga artistang nakasama niya sa mga ginawa niyang serye sa GMA tulad nina Lani Mercado-Revilla, Rio Locsin, at Manilyn Reynes. Kinarir daw iyon ni Ms. Celia.
Bago mag-Christmas, may mga bridal showers pa raw na hindi rin niya matanggihan, isa rito si Dra. Vicki Belo kung saan nag-request siyang sana ay members of the press naman ang imbitahin. May bridal billboards din si Dra. Belo para sa kanya at sorpresa this week kung kailan iyon iri-reveal. Sa Wednesday naman ang Despedida de Soltera na dadaluhan ng members ng both members of the family nila ni Dingdong and some close friends. Sa December 6, isang pre-nuptial party aboard a yatch ang ibibigay naman sa kanila ng kanilang mga non-showbiz friends.
Dennis pupunta ng Singapore pero hindi sure kung a-attend ng Asian TV Awards
Pagkatapos ng taping ni Dennis Trillo ng Hiram Na Alaala early Saturday morning ay umalis siya for Singapore kasama sina Jonalyn Viray at Betong Sumaya para sa Kapusong Pinoy Sa Singapore show handog ng GMA Pinoy TV sa mga kababayan natin doon. Gaganapin ang show sa Kailang Theater, 1 Stadium Walk, Singapore, ngayong Sunday, November 30. Free admission ang show pero dapat kumuha rin ang mga manonood ng ticket for the concert simula 1:30 p.m. First come, first serve basis kasi at no ticket, no entry policy sila. Puwedeng sumali sa show ang mga kababayan natin doon basta mag-post lang sila ng kanilang mga photos, tweets at status, na may hashtag na #KapusongPinoySG.
Kasalukuyang napapanood ang Hiram Na Alaala sa GMA Pinoy TV in Singapore. Nominated si Dennis sa Best Actor category sa Asian Television Awards sa December 11 for his role in My Husband’s Lover, si Director Dominic Zapata naman sa Best Director category for the same bekiserye. Hindi pa sure kung puwede pa ulit umalis si Dennis sa taping niya ng Hiram Na Alaala para mag-attend ng awards night.
Andrea pumayag nang ibalandra ang katawan sa men’s magazine
Isang napaka-sexy na dance number ang gagawin ni Andrea Torres mamaya sa Sunday All Stars sa GMA-7. Ipakikita ni Andrea ang other side niya, at kung gaano siya ka-sexy na pumayag nang maging cover ng FHM men’s magazine. Malalaman natin kung nakatulong ba ang role niya sa Ang Lihim Ni Annasandra na kapag nagiging awok, ay nakikita kung gaano siya kaseksi. Ilang beses na kasi siyang inoperan ng FHM na mag-pose for their cover, pero ngayon lamang siya pumayag.
- Latest
