MANILA, Philippines - Makipagsabayan sa tagisan ng salita at palitan ng kataga sa istilo ng musikang nananatiling buhay sa puso ng mga Pilipino sa Front Row ngayong Lunes, Abril 7, sa GMA 7.
Nakikinig lang dati ng hip-hop music ang rapper na si Abra hanggang sa seryosohin niya ito at sumali sa grupong kilala noon sa kanilang galing sa pag-rap. Kinalaunan, sumali rin si Abra sa mga Fliptop Battle. Naging matunog ang kanyang pangalan at sumikat ang kanyang mga kanta. Katunayan, umabot sa 26 million views sa YouTube ang kanyang hit single na Gayuma.
Isa sa mga idolo at impluwensiya ni Abra sa pagra-rap ang isa pang sensational rapper na si Loonie. Nasa elementarya pa lang si Loonie nang mahilig sa pag-rap hanggang sa maging miyembro siya ng Obliterated Rappublic na pinamunuan noon ng King of Pinoy Rap na si Francis Magalona. Kasama ang kanyang matalik na kaibigan na si Ron “Xplisit†Henley, sumali sila sa Rappublic of the Philippines ng Eat Bulaga bilang “Stick Figgas†kung saan siya napansin ng Master Rapper.
Abangan ang Generation Rap episode ng Front Row ngayong Lunes, pagkatapos ng Saksi.