Pelikula ni Manny pabitin-bitin

MANILA, Philippines - May ginawa palang pelikula si Rep. Manny Pacquiao last year pero this year pa lang ipalalabas, ang Manny the Movie. Naka-ready na sana ito last year subalit hinintay muna niyang manalo sa comeback niyang laban.

Kung hindi siya nanalo, baka hindi pa maipalabas ang pelikula. Ngayon ay nakatakda naman siyang lumaban kay Timothy Bradley sa Las Vegas sa April. Hintayin kaya niya muna uli ang resulta?

Ara tuloy na ang kasal sa isang taon

May online business si Ara Mina, ang Hazel Berry, para sa mga itinitinda niyang homemade cupcakes and brownies. Kaya kahit pa-guesting-guesting lang at walang regular na teleserye at pelikula ay kumikita naman siya.

Wala pang wedding parties na pinapadalhan si Ara ng kanyang mga produkto.

“Sa wedding ko muna,” smile niya.

Next year pa raw ang plano nilang magpakasal ng boyfriend niyang mayor sa Bulacan. 

“Talagang tuloy na tuloy na ito. I am not getting any younger,” sabi niya kamakailan.

Si Ara ay 34 years old na. Ang boyfriend niya ay 33 naman.