Gabby nagpresyo sa GMA kaya naudlot ang pagsama sa serye ni Marian
Now it can be told. Dapat si Gabby Concepcion ang isa sa leading men ni Marian Rivera sa bagong soap na ginagawa ng Primetime Queen, ang Carmela (Ang Pinakamagandang Babae sa Ibabaw ng Mundo), ang isa pa ay si Alden Richards. May nakapagsabi rin sa amin na may offer din kay Gabby ang TV5 at tinanggihan ito ng aktor, nalaman nila na may offer pala ang GMA 7. Pero hindi rin natuloy ang pagsasama nina Marian at Gabby dahil hindi nga ba nagkasundo sa talent fee?
Pero mismong si Marian ang nagsabi na nang magkita sila ni Gabby sa event ni Batangas Gov. Vilma Santos na pareho silang judge, sabi raw ni Gabby, hahabol siyang leading man ni Marian. Ewan kung kukunin pa si Gabby dahil si Raymond Bagatsing na ang isa pa niyang katambal.
Beauty company gumawa ng sariling beauty pageant
May bago na namang beauty pageant, ang Miss Beauche International, founded by the president of Beauche International na si Madame Conchita Toribio delos Reyes. Sa kasalukuyan, may more than one hundred outlets na sila nationwide ng mga produkto nilang beauty bar soap, clarifying solution, exfoliating cream, and others, all hypoallergenic, and all FDV Approved and Halal Certified.
Sa Saturday, Dec. 14 ang coronation night ng magiging first Miss Beauche International sa grand ballroom ng Solaire Resort & Casino sa Parañaque City. Judges sina Miss Universe 1969 Gloria Diaz, 2010 Miss Universe 4th runner-up Venus Raj, Diana Zubiri, Mercator President Jonas Gaffud, Paolo Ballesteros, at GMA creative head primetime block RJ Nuevas.
Host for the evening si male supermodel Brent Javier at direktor na si Anton Broas, Jr. Twenty four candidates ang maglalaban-laban sa title plus P100,000 cash prize at 8:00 p.m.
Lorna ramdam na ramdam ang pagiging presidente
Habang nalalapit ang pagtatapos ng taping ng Genesis, lalong naging masaÂlimuot ang story nito at relate na relate si Lorna Tolentino sa pagganap niya bilang ina ng dalawang anak nila sa story, ni Ronnie Henares. Nararamdaman niya ang feeling ni Presidente Sandra na kinakalaban ni Ramona (Jackielou Blanco) dahil ayaw nitong pumayag na pasakayin sa Genesis Space Ship ang anak nitong autistic, si Summers (Anette Samin), samantalang sila ay maiiwanan at hindi maliligtas sa pagkagunaw ng mundo.
- Latest
