Pero willing tumanggap ng totoong sorry: Sarah kakasuhan pa ng isa ni Atty. Annette

Hindi nagkait sa interview si Atty. Annette Gozon-Abrogar, presidente ng GMA Films after ng contract-signing session sa GMA Network, Inc. ni Marian Rivera tungkol sa kaso nila ni Sarah Labhati. May two years pa palang contract si Sarah sa kanilang istasyon at hindi nila alam kung babalik pa ang actress. 

Inamin ng executive na na-shock siya sa biglang pagbabago ni Sarah dahil nakilala niya ito after manalo sa StarStruck 5 na maganda, talented, at mahusay kumanta. Siya nga ang nagsabi na bigyan na ito ng big break by giving her the project na maging leading lady ni Richard Gutierrez sa isang drama series ng GMA at sa movie nilang Seduction sa Regal Entertainment, Inc. Dapat nga raw isusunod nilang project for Sarah ang Prinsesa ng Masa pero ngayon ay ibinigay na nila kay Kris Bernal.

Paano kung bumalik at mag-sorry sa kanya si Sarah?

Sagot ni Atty. Annette, “Gusto ko totoong sorry, baka hindi naman.”

Puwede bang bilhin ni Sarah ang contract nito sa GMA?

“Ewan ko lang. Hindi naman kailangan ng GMA ang pera,” sabi ng abogada na anak ng chairman nilang si Aty. Felipe Gozon.

Sa Aug. 22 ang arraignment ng kaso ni Sarah pero may isa pa siyang kasong ipa-file against the actress. Ayaw niyang mag-comment kung anong kaso iyon, sa korte na raw lang kapag nai-file na niya.

Enzo nagsawa na sa birthday party

Hindi napigilan ng malakas na ulan ng bagyong si Labuyo ang desire ni Enzo Pineda na ituloy ang pagbibigay niya ng kasiyahan sa may 100 Grade 1 to Grade 6 students ng Alabang Elementary School in Muntinlupa City. 

Last Sunday, a day before his 23rd birthday, pinasaya ni Enzo ang mga student na ilan sa kanila ay special children. Sawa na rin daw kasi siya sa kapa-party tuwing birthday niya kaya inisip niyang i-celebrate naman ito in a different way at iyon nga, to be with the young students ng napili nilang school kasama ang principal nilang si Dr. Emilia Alvarez.

Hindi naman pinabayaan si Enzo ng friends niya sa GMA na sina Steven Silva, Julian Trono, at ang leading lady niya sa Kakambal ni Eliana, si Kim Rodriguez. Hindi lamang nila pinasaya ang mga bata, tinulungan pa nila ang birthday celebrant na mamahagi ng food at gifts para sa mga bata.

Birthday wish ni Enzo, more blessings sana ang matanggap niya para mas marami pa siyang matulungan. Dalawa lamang kasi silang magkapatid at older sa kanya ng 10 years ang brother niya. 

Wala pa siyang next project sa GMA pero nag­hahanda siya sa paggawa ng isang album for GMA Records.

Biniro si Enzo na last year, ang kasama niyang nag-celebrate ng birthday ay ang dating girlfriend na si Louise delos Reyes. Ibig bang sabihin ang bagong ka-love team na ang ipinalit niya kay Louise? Sagot niya ay friends pa rin daw naman sila ni Louise pero work na lamang muna siya lalo pa at very busy din ang teen actress sa drama series nito.