Walang malisya Aktres pinagkumpara ang dalawang aktor na parehong pinag-iisipang bakla

Nalimutan ng isang aktres na natsitsismis na bading ang aktor na co-star niya sa pelikula. Buong ningning na nag-dialogue ang aktres na pareho ng ma­nnerism at ang aura ng aktor sa another award-winning actor.

Na-forget ng aktres na tulad ng co-star niya, iniintriga rin na bading ang award-winning actor. Sa true lang, nagpakatotoo ang aktres. Sadyang na­limutan niya ang mga intriga sa aktor na kanyang pinag­hambing.

Alfred todo-exercise na, magpapa-pogi bago sumumpa sa Kongreso

Tumaba na naman si Congressman-elect Alfred Vargas dahil sa two weeks na pagbabakasyon niya sa Italy.

May ready answer si Alfred nang magkita kami at punahin ko ang kanyang pagtaba. Pumayat pa nga raw siya dahil binawasan niya ang pagkain mula nang bumalik siya sa Pilipinas.

Malapit nang manumpa si Alfred bilang halal na kongresista ng District 5 kaya pinag­hahandaan niya ang important occasion sa kanyang buhay. Todo-exercise ang kanyang ginagawa para poging-pogi siya sa araw ng panunumpa niya sa Kongreso.

AiAi ’di apektado sa bagong babae ni Jed

Nagbabakasyon sa New York si AiAi delas Alas at ang kanyang tatlong anak.

Pansamantalang kinalimutan ni AiAi ang problema nila ng kanyang future ex-dyowa na si Jed Salang.

Naniniwala ako na naka-recover na si AiAi, sa tulong ng kanyang mga anak at ka­ibi­gan. Hindi siya naapektuhan ng mga tsismis na na-sight si Jed na may kasamang babae sa The Fort, Taguig City.

Kung mahal pa rin ni AiAi ang “dating” asawa, siguradong todo-emote siya habang bumubula sa galit ang kanyang kissable lips.

Shamcey magandang example para kay Sarah

Sobrang in love si Shamcey Supsup at ang kanyang fiancee na si Lloyd Lee. Talagang holding hands sila habang iniinterbyu ni Boy Abunda sa The Buzz.

Never na nagbitaw ang kamay ng dalawa, isang sign na sobrang pagmamahal nila sa isa’t isa. Si Lloyd ang first ever boyfriend ni Shamcey kaya puwedeng mangyari ang gusto ni Divine Geronimo na kung sino ang maging first boyfriend ni Sarah, ’yon na rin ang mhin na pakakasalan ng kanyang anak. Malaki ang pag-asa na matupad ang pangarap ni Mommy Divine para kay Sarah.        

Sarah L. walang-wala sa katawan na nanganak

Seksing-seksi si Sarah Lahbati sa video na lu­mabas kahapon sa social media. Kahit hindi mas­ya­­dong nakita ang kanyang mukha, obvious na si Sarah ang seksing babae na sumasayaw.

Nagulo na naman ang mundo ng mga nagpipilit na buntis o nanganak si Sarah kaya umuwi ito sa Switzerland. Walang-wala sa katawan ni Sarah na nagsilang ito ng anak.

Nang mag-goodbye showbiz noon si Janette McBride, maugong ang tsismis na nabuntis siya ni DJ Mo Twister. Sure na sure ang mga tsismosa na buntis si Janette pero napahiya sila dahil hindi nagbunga ang pagmamahalan ng dalaga at ni DJ Mo.