Willie Revillame pinakakasuhan na sa mas mataas na korte ng child abuse!

MANILA, Philippines - Pinakakasuhan ng QC  Prosecutor’s Office  sa mataas na korte ang TV host/komedyante na si Willie Revillame  ng child abuse  dahil sa pagpapasayaw nito sa anim na taong gulang na bata habang umiiyak  saka binigyan ng P10,000  sa binuwag na  TV show na Willing Willie noong  March 12, 2011.

Ang kasong ito ay na-raffle na sa QC Metropolitan  Court, Branch 86. 

Ayon kay Assistant City Prosecutor Benjamin Samson, nakakita sila ng  probable cause para kasuhan si  Revillame  hinggil sa paglabag sa  Section 10 (a) ng  Republic Act 7610, o Anti-Child Abuse Law.

Ang kaso ay isinampa kay Revillame ng Department of Social Welfare and Development.

Dinismis naman ng prosecutors office ang kahalintulad na kaso na naisampa kay Revillame  at mga opisyal ng TV5 ni running priest Fr. Robert Reyes dahil sa kakulangan ng legal personality.