‘DI lang pinahahalata, Juday umaming nagkaka-problema NA ang pagsasama nila ni Ryan!

MANILA, Philippines - Finally, the long wait is over especially sa mga fans ni Judy Ann Santos na matagal nang hinihintay ang pagbabalik ng Queen of Teleserye. Sa wakas ay ieere na ngayong June ang highly-anticipated Huwag Ka Lang Mawawala (dating Against All Odds) kung saan ay kasama rin ng aktres sina Sam Milby, KC Concepcion, John Estrada, Mylene Dizon, at marami pang iba.

Kahapon ay nagkaroon na ng photo shoot ang buong cast na ginanap sa studio 10 ng ABS-CBN at sinaksihan ito ng ilang imbitadong entertainment press.

Sa photo shoot pa lang ay bongga na ang ginawang presentation ng network at bago pa man dumating si Juday, paulit-ulit ang announcement nilang “The Queen is Back!”

Birong sagot tuloy ng aktres, “the queen is backless!” dahil sa bonggang backless gown niyang suot.

Seriously, how does it feel that the Queen is back?

“Sa totoo, sobrang mas ‘yung kaba, pero ‘yung tuwa, nakaka-overwhelm and ‘yung pressure. . .wala nang stress, eh, much more on ‘yung nakaka-tense.

“Nakaka-tense talaga dahil siyempre iniisip mo kung ano ang sasabihin ng mga tao sa trabaho mo after a long time. It’s been two year, magti-three years (since gumawa siya ng soap), tapos med­yo bago-bago ‘yung storya, hindi ‘yung typical na love story, it’s about women empowerment and at the same time apaw na apaw ka sa emosyon dahil all of a sudden, ang daming atensiyon, bigay-buhos ka talaga. And of course, very thankful,” pahayag ni Juday.

Ipakikita raw sa serye na ang babae ay hindi dapat sinasaktan, na dapat ay marunong lumaban at hindi raw porke’t asawa na ay puwede nang apihin kaya tiyak daw na maraming makaka-relate na mga kababaihan.

Very timely nga ang serye dahil as we all know, ang hot issue ngayon sa showbiz ay ang sinapit ni AiAi delas Alas sa piling ng asawa kaya nahingan dito ng reaksiyon si Juday.

 â€œWell, siyempre sad, kaibigan natin si AiAi, I don’t know Jed personally and you know, I have nothing else to say to him. It’s just that it’s really sad na parang ang isang love story na pinangarap ng isang tao, all of a sudden, biglang nawala.

“And sana talaga, walang ganu’n ‘di ba, sana ang lalaki hindi umaabot sa puntong kailangang pagbuhatan ng kamay ang babae- asawa, anak, nanay o kung sino pa man. Kasi hindi dapat nagkakasakitan ang mga taong nagmamahalan.”

Ang serye ay dedicated hindi lang daw kay AiAi kundi para sa lahat ng kababaihan na nakakaranas ng pang-aabuso. Pero hindi naman daw ito sinadyang gawin for AiAi only.

“Nagkataon lang talaga. Pero hindi naman ito talaga patungkol sa sitwasyon ni Ms. AiAi. Mahal namin siya, and we’re all here for her, nagkataon lang na ito ang naging tema ng teleserye namin.”

Pagdating naman sa sarili niyang married life at sa pagsasama nila ni Ryan Agoncillo, aniya ay nagkakaroon din naman sila ng mga pag-aaway ng asawa.

“May mga moments din naman na may mga issues kami ni Rye (Ryan), hindi naman ito bed of roses, may mga pinagdadaanan din naman kami, hindi lang halata.

“Pero ‘yung issue na ‘yun, sa amin lang ‘yun, sa bahay lang ‘yun, hindi na namin hinahayang lumabas pa. Kung anuman ang pinagdadaanan namin, it makes us stronger and it makes us better persons. So, wala ‘yun, dedma lang.”

May tsika ring lumalabas na may secret annulment na raw nagaganap sa kanila ni Ryan na mahirap talagang paniwalaan and true enough, natawa lang si Juday nang klaruhin ito sa kanya.

“Ano ba ‘yan? Eh di ba, ang mahal-mahal magpa-annul ngayon, ba’t magpapa-annul pa? Saka meron bang secret annulment?” natatawang sabi ni Juday.

Noon pa ay paulit-ulit na lang ang issue ng hiwalayan nina Juday at Ryan kaya tinatawanan na lang daw nila ito.

“Nakakaawa na sila kung sinuman ang gumagawa ng istorya na ‘yan. Sa totoo, nakakaawa. Kasi, parang. . .bored ba kayo? Kasi, paulit-ulit na lang. Kailangan bang gumawa kami ng event na kakaibang pag-uusapan para malayo naman tayo sa hiwalayan na tsismis.

“Pero nakakatawa na lang din dahil meron ba kaming ipinakitang eksena ni Ryan na pwedeng mag-conclude na naghiwalay kami or nag-undergo kami ng counselling.

“Pero sa isang banda, gusto na lang naming isipin na baka concerned lang sila,” say ni Juday.

Gusto na lang daw niyang mag-isip ng positibo lalo pa nga’t napakaswerte raw niya this year.

 â€œSo, tinatawanan ko na lang dahil masyado akong masaya ngayon, masya­do akong proud, masyado akong overwhelmed with happiness right now. So ayokong masira ang konsentrasyon ko, ayokong masira ang focus ko. I’m just really very happy,” pahayag pa ng aktres.