Chul-su sa Squid Game 3

CEBU, Philippines — Gipalugwa na ang teaser  sa ikatulo o final season sa South Korean survival drama sa Netflix nga  "Squid Game"

 Lakip sa gipakita mao ang dagway ni Chul-su  , ang counterpart sa iconic giant robotic doll sa Red Light, Green Light game nga si Young-hee.

"Everyone say hi to Chul-su,"social media post sa  Netflix .

 Ang Squid Game Season 3 kay gikatakdang i-release karong tuiga.

Gilinyahan og projects

Ubay-ubay ka mga proyekto ang nagpaabot kang Alfy Yan karong tuiga.   Pag-umangkon si Alfy ni anhing Rico Yan. Gawas sa pag-arte ,ma-busy usab siya sa nagkadaiyang product endorsements.

Pribadong relasyon

Giangkon sa "Asia's Diamond Soul Siren" nga malipayon kaayo ang iyang love life karon. Wala kaayo siya na-pressure sanglit giseguro nila sa iyang boyfriend ang usa ka pribadong relasyon . Ang iyang uyab maoy nagsilbi niya nga inspirasyon sa padayon nga paglawig sa iyang career.

Dili makig-istorya

Gibutyag sa komedyanteng aktres nga si Ai Ai de las Alas nga sukad  sila nagbulag sa iyang bana nga si Gerald Sibayan sa niaging tuig, wala na gyud siya makig-istorya niini . Padayon nga nagpaalim si  Ai Ai sa naghapdos niya nga  kasingkasing pinaagi sa tabang sa iyang pamilya ug mga higala.

Tigpakalma ni Heaven

Walay  puas ang pagsabwag ni Heaven Peralejo og mga maayong pulong alang kang Marco Gallo.

Una na nga gibutyag ni Heaven nga si Marco maoy tigpakalma kaniya sa mga pagsulay nga iyang gisagobang .

Taod-taod na nga gidungog nga duna sila'y relasyon.

'Happy birthday, my love '

Gipadangat ni  Kristel Fulgar ang iyang  sweet birthday message ngadto sa iyang  Korean boyfriend nga si Ha Su-hyuk .

"Happy birthday, my love ?? I never thought I could be this happy until I met you. Thank you for being my peace and pahinga,"  Instagram post sa  vlogger-actress .

Kahinumdoman nga sa katapusang bahin sa niaging tuig,  giangkon sa duha  nga duna sila'y relasyon.

Ruru mapasalamaton sa DongYan

Todo pasalamat  si Ruru Madrid ngadto sa magtiayong Dingdong Dantes ug Marian Rivera gumikan sa positibong feedback niini alang sa pelikulang Green Bones .

 “Lubos na pasasalamat sa mag-asawang grabe ang pagmamahal at suporta na ibinibigay sa amin. Kaya lahat kami ay ginaganahan na lalo pa paghusayan ang aming mga ginagawa, dahil kayo ang aming inspirasyon sa Tagumpay sa Karera at Pagmamahalan," ni Ruru Pa. Una na nga gibutyag ni Dingdong nga nakauyon gyud siya og maayo sa  maong pelikula.

“Grabe bro napakaganda ng pelikula. One of the best Pinoy films of all time para sa akin," matud pa ni Dingdong.