'Sang'gre' stars mipakita na sa ilang warrior costumes

CEBU, Philippines — Gipakita  na ang laing hugna sa teaser  sa "Sang'gre" kun diin makita ang lead stars nga nakasul-ob sa ilang warrior costumes.

Gibitbit  nila ni  Bianca Umali, Angel Guardian, Kelvin Miranda, ug Faith Da Silva   ang  ilang  “weapons”  isip  Terra, Deia, Adamus, ug  Flamarra.

Nilugwa usab  sila si Sanya Lopez ug  Glaiza De Castro alang sa  2016 remake characters nila nga  Danaya ug Pirena.

Una na nga gipakita ang hitsura ni Rhian Ramos alang sa kontrabida role niya nga Metina.

Nalakip usab sa  "Sang'gre" sila si  Rocco Nacino, Ruru Madrid, Kylie Padilla, ug  Gabbi Garcia.

Kapamilya Projects sa 2025  gianunsyo

Sa pagsulod   sa 2025  , naghinam-hinam napud ang pipila ka Kapamilya stars sa  nakalinya nila nga mga proyekto sa ABS-CBN.

Mao kini ang pipla ka mga proyekto sa ABS-CBN karong tuiga: Incognito

Ang serye  nga pagabitoonan nila ni  Richard Gutierrez , Daniel Padilla, Baron Geisler, Kaila Estrada, Anthony Jennings, Maris Racal, ug  Ian Veneracion. Gipaabot ang  nagbaha nga  action scenes niini  ug gikatakda kini nga i-ere sugod karong Enero  20.  Gipaluyohan ang Incognito sa  Star Creatives ug  Studio 360.

Nobody

Ang comeback serye  ni  Jessy Mendiola ug makauban niya sila si  Gerald Anderson ,JC de Vera, RK Bagatsing, Francine Diaz ug  Seth Fedelin.

It’s Okay to Not Be Okay

Human sa kapin usa ka dekada, balik- teleserye napud  si  Anne Curtis  .  Ang “It’s Okay to Not Be Okay” kay Philippine adaptation sa  usa ka  K-drama hit. Makauban ni Anne sa maong proyekto sila si  Carlo Aquino ug Joshua Garcia.

 “What Lies Beneath”

Pagabidahan kini  nila  ni  Bella Padilla, Charlie Dizon, Janella Salvador, Julia Barretto, Jake Cuenca ug JM de Guzman.

My Love Will Make You Disappear

Ang pelikula nga pagaparesan nila ni Kim Chiu ug  Paulo Avelino . Makita kini sa mga sinehan sunod buwan.

How to Spot a Red Flag

Gipaluyohan sa Dreamscape Entertainment ug  Viu. Mga bida sa maong rom-com series kay sila si Donny Pangilinan ug  Belle Mariano .

Time to Dance

Ang umaabot nga dance survival reality show   nila ni  Robi Robi Domingo ug new gen dance champ Gela Atayde.

Pilipinas Got Talent

Ang pagbalik  sa maong programa inubanan sa bag-ong line-up sa mga hurado.