Pangadam sa Palarong Pambansa anaa na sa 90 porsyento

CEBU, Philippines — Ang Department of Education National Official ang nisusi diha sa Cebu City Sports Center isip kabahin sa pagsiguro nga mahan-ay ang tanan alang sa umaabot nga Palarong Pambansa 2024.

Gipangunayan ni DepEd Assistant Secretary Francis Cesar Bringas kinsa mao usab ang secretary general sa Palarong Pambansa 2024 ang pagsusi sa CCSC uban ni Acting Mayor Raymond Alvin Garcia ug sa opisyales sa DepEd ug paugnat sa kusog.

Nakita sa maong opisyal nga hapit na mahuman ang pag-rubberize sa track oval.

Si Bringas positibo nga mahimo sa Cebu City ang tahas alang sa pagsiguro sa Palarong Pambansa nga magmalamposon.

Nabantayan ni Bringas nga pipila na lang ka mga butang nga ginagmay ang angayan nga hatagan og pagtagad aron kini mahan-ay na.

Gibutyag ni Bringas nga bisan og adunay pag-usab sa nagdumala sa kagamhanan sa siyudad human nasuspenso si Mayor Michael Rama apan malipayon siya tungod kay on-track gihapon ang trabaho alang sa pagpangandam sa Palarong Pambansa.

Gipaniguro ni Garcia nga maatiman ug makompleto ang tanang preparasyon sa dili pa mo abot ang national games.

Si Garcia nipadayag sa iyang paghangop nga natagbaw ang opisyal sa DepEd sa mga pagpangandam nga ilang gihimo.

Gipaniguro usab ni Garcia nga maatiman ug makompleto ang tanang preparasyon sa dili pa mo abot ang national games.

Samtang ang chairman sa Cebu City Sports Commission John Pages nibutyag nga molabaw na sa 90 porsyento ang ilang pagpangandam lakip na niini ang mga facility nga gamiton sa mga atleta.

Gipaniguro usab nila nga hamugaway ug luwas ang mga billeting quarter nga giandam sa siyudad alang sa mga delegado gikan sa ubang mga dapit sa nasud. (BANAT NEWS)