Cavs milampaso sa Sixers

CEBU, Philippines —  Ang Cleveland Cavaliers mipayaka ni LeBron James ug sa Philadelphia 96ers, 119-95, sa ilang duwa sa 2026-27 NBA season kagahapong adlawa didto sa Rocket Arena sa Cleveland, Ohio.

Si Donovan Mitchell mibubo og 10 sa iyang 23 puntos sa unang kuwarter samtang si Evan Mobley midugang og 22 puntos aron tabangan ang Cavs pagpakgang sa duha ka sunod-sunod ilang pildi.

Si Jaylen Brown mikadlit og 20 puntos sa Sixers apan ang namugnaw ang duha nila ka mga bitoon.

Ang alas nilang si James mi-iskor lamang og otso puntos samtang si Joel Embiid nalimitahan sa sayes puntos.

Naputol ang lima ka sagunson nga daog sa Sixers human makatilaw sa ikaduha pa lang nila nga pildi ning lab-as pa nga season.

Sa laing bahin, ang Boston Celtics milansang og 24 ka 3-pointers sa 119-80 nilang paglampornas sa  Hornets didto sa Charlotte.

Si Jayson Tatum miposa og lima ka tres sa iyang 34 puntos alang sa Celtics, mga sa usa ka higayon milabaw og 46 puntos.

Ang Oklahoma City Thunder mipadayon sa ilang dominasyon sa Grizzlies uban ang 128-97 nga kadaogan didto sa Memphis.

Si Ajay Mitchell mirehistro og career-high 35 puntos samtang si two-time defending MVP Shai Gilgeous-Alexander miamot pg 28 puntos alang sa Thunder nga mipakita og nindot kaayong salida bisa'g wala ang tulo nila ka sinaligan nga sila si Jaylen Williams, Cason Wallace uh Chet Holmgren.

Sa  Dallas, si P.J. Washington mitagak og 22 sa iyang 26 points sa first half samtang sila si Cooper Flagg ug Kyrie Irving  nagkumboya'g 35 puntos aron ibandera ang Dallas Mavericks ngadto sa 112-100 nga pagpakaging sa Utah Jazz, 112-100.