Eala nanamilit na sa US Open

CEBU, Philippines — Gitagak sa higala niyang si Jovic sa ikatulong hugna

Natuldokan na ang kampanya ni Alex Eala sa US Open.

Kini human ang Pinay tennis star nahagba na sab sa mga kamot ni Iva Jovic sud sa tulo ka kulbahinaman nga sets kagahapong adlawa didto sa Arthur Ashe Stadium in New York.

Gibugha sa Amerikanang si Jovic si Eala, nga karibal niya sa duwa apan higala gawas sa korte sa iskor nga 7-5, 6-3, 7-5.

“I don't even know what to say. That felt like a marathon and I felt like I lost my sanity five times over to win that match but it's really worth it for this feeling,” matud pa ni Jovic human sa makutas nilang sangka ni Eala nga midagan og tulo ka oras ug tulo ka miuto.

“I’m usually not one that shows that many emotions but this one really meant a lot to me so it's it's everything to have another match here at the US Open,” dugang pa sa world No.14 nga si Jovic.

Si Eala nakatabla, 5-5, human malubong, 1-4, sa unang set apan si Jovic milansang og duha ka sagunson nga puntos aron angkonon ang sayong labaw sa duwa.

Ang 21-anyos nga si Eala nanginit sa ikaduhang set diin siya mibante, 3-1. Wala na siya molingi pa sukad niadto aron pakgangon si Jovic, 6-3, ug pagpuwersa og tinagakay nga duwa.

Sa ikatulong set, si Eala nakabentaha pa og dos puntos, 4-2, apan si Jovic milusad og madasigon nga resbak uban ang tulo ka sagunson nga puntos aron ilogon ang labaw, 5-4.

Igo lamang nakatabla ang world no.18 nga si Eala, 5-5, kay si Jovic maoy midaog sa sunod nga duha ka duwa aron silyohon ang makapaisa'g balahibo niyang kadaogan.

Mao kini ang ikatulong sunod-sunod higayon nga gipildi ni Jovic si Eala human sa French Open ug Wimbledon.

Makigharong siya sunod batok sa kababayan niyang si Coco Gauff diin ang modaog moabante sa quarterfinals.

Sa iyang bahin, si Eala mapaubsanon nga midawat sa iyang kapakyasan.

"I had my chances. I'm happy with the match in general. Of course there is disappointment in losing, but trying to see the positive side. It was a really good match. The level was really high," kanayon pa ni Eala.

"I left everything out there. I fought through the ups and downs... What I know for a fact is that I fought so I'm happy with that."