Pacquiao hinahanapan ng bagong laban

MANILA, Philippines — Naghahanap na ang grupo ni People’s Champion Manny Pacquiao ng bagong makakalaban nito na target idaos ngayong taon.

Ito ay habang naghihintay ang eight-division Pinoy champion sa rematch kay Floyd Mayweather Jr. na nakatakda sa Enero sa susunod na taon.

Sinabi ni MP Promotions CEO Jas Mathur na target nitong magkaroon ng laban si Pacquiao bago matapos ang taong ito.

Posibleng exhibition match ito o kaya naman ay isang regular pro fight.

“We’re working on a few different fights right now for him. Presently there’s likely going to be an exhibition that we’re trying to put together in the fourth quarter of this year,” ani Mathur.

Wala pang eksaktong pangalan na tinukoy si Mathur subalit ilang mga boksingero na ang nasa radar nito.

“Nobody is set, no opponent is set in stone yet. We’re still working on that. There’s a possibility of a pro-fight. There is a possibility. That’s there, but nothing is confirmed yet. So there’s nothing that’s been solidified or confirmed at all yet,” ani Mathur.

Kabilang sa mga maugong na pangalan sina Rolly Romero at Ryan Garcia na posibleng makalaban ni Pacquiao.

Si Romero ang reigning WBA welterweight champion habang si Garcia naman ang kasalukuyang WBC welterweight king.

Hindi na tuloy ang rematch nina Pacquiao at Mayweather na gaganapin sana sa Setyembre 19 sa The Sphere sa Las Vegas, Nevada.

Subalit pinaplantsa na ang paglipat ng date nito sa Enero.