10 teams interesado kay James
LOS ANGELES — Sampung koponan ang naghayag ng interes na makuha ang serbisyo ni four-time NBA champion LeBron James ilang araw matapos magpaalam sa Lakers.
Ito ang inihayag ni Rich Paul, ang agent ng 41-anyos na living legend, sa episode ng kanyang “Game Over” podcast kasama si Max Kellerman.
“As you’re going through this process, I’m saying to LeBron, ‘You really have to think this through,’” ani Paul kay James. “Everything looks great in July. Everything looks great on paper. But you got to be very careful with that.”
Ang mga gustong makuha si James ay ang Philadelphia 76ers, Cleveland Cavaliers, Denver Nuggets, Minnesota Timberwolves, Miami Heat, New York Knicks, Golden State Warriors, Dallas Ma-vericks, Boston Celtics at San Antonio Spurs.
Ang Knicks ang nagkampeon sa nakaraang NBA Finals laban sa Spurs at hangad ang back-to-back crown sa susunod na season.
“LeBron’s always judged different,” sabi ni Paul. “That’s a very fragile thing, and he’s been a part of championship teams.”
Kung babalik si James sa Heat ay muli niyang makakasama sina team president Pat Riley at Fil-Am coach Erik Spoelstra pati na ang bagong hugot na si Giannis Antetokounmpo.
Sa Warriors ay naghihintay kay James sina Stephen Curry at Draymond Green, habang nasa Cavaliers sina Donovan Mitchell, James Harden, Evan Mobley at Jarrett Allen.
Samantala, ibibigay ng Lakers si center Deandre Ayton sa Washington Wizards kapalit ni guard Jaden Hardy at dalawang second-round picks sa 2031 at 2032.
Pipirma naman sa Knicks si veteran center Andre Drummond sa isang one-year, 3.9 million contract.
- Latest
