Chargers nakuha si Sato

MANILA, Philippines — Inihayag kahapon ng Akari ang paglalaro sa kanila ni veteran middle blocker Risa Sato ilang araw bago ang paghataw ng 2026 Premier Volleyball League (PVL).

“Welcome to Akari, Risa Sato!,” pahayag ng Chargers sa kanilang social media post. “Ready to bring in her championship ex­perience and energy, Risa will be a huge boost for the Chargers. Let’s gooo.”

Ang Akari ang ikaapat na PVL team ng Fil-Japanese defender na kumampanya para sa National University sa UAAP.

Una siyang naglaro para sa BaliPure (2017) bago lumipat sa Creamline (2018-2024) at tumalon sa Chery Tiggo (2025).

Bahagi si Sato ng 10 PVL championships ng Cool Smashers.

Noong Nobyembre ng nakaraang taon ay nanganak si Sato at pansamantalang nawala sa eksena.

Makakasama ni Sato sa Chargers ang bagong hugot na si Tim Tiamzon at sina Ivy Lacsina, Ced Domingo, Grethcel Soltones, Fifi Sharma at Faith Nisperos.

Inaasahang ipaparada ng Akari si Sato sa kanilang pagsagupa sa ZUS Coffee sa alas-4 ng hapon sa pagbubukas ng PVL On Tour sa Hulyo 8 sa Ilagan City, Isabela.

Maghaharap ang Creamline at Nxled sa ika­lawang laro sa alas-6:30 ng gabi.