Pabukid

Kining nagkatigulang na kita usahay usa na ka dakong buntag alang kanato ang kahilom ug kalinaw. Usa ka dakong gasa ang mga honi sa mga kalanggaman. Usa ka musika ang mga tingog sa mga gangis panahon sa kagabhion.

Ang atong lawas kun magkadako ang atong panuigon mahimong mohinay apan sa paghinay niini mas mokusog usab ang atong espirituhanong sentido. Ning mga panahona mas naka pokus kita sa buhing kamatuoran nga angayan natong sagubangon ug kini ang kamatayon.

Ning maong kamatuoran atong hinumdoman kining mosunod:

1. Diha sa atong pagkahimugso kita dunay purpose. Dili kita sulagma busa kinahanglang puy-an nato ang atong kinabuhi MEANINGFULLY.

2. Dili hingpit ang atong kinabuhi bisan gani ang atong kagahapon wala kitay laing mahimo gawas sa ACCEPTANCE sa atong kinabuhi ug banay. Sinugdanan kini sa atong healing.

3. REPARATION kun pag-ayo sa bisan unsang kadaut nga atong nahimo diha sa atong panaw.

4. INTIMACY sa Ginoo gikinahanglan gyud kaayo. Halayo kaniya wala kitay mahimo.

5. AVAILABLE unta kita sa pagtuman sa atong bokasyon ug misyon sa kinabuhi.