Grospe may bagong record sa high jump
MANILA, Philippines — Nagrehistro si high jumper Leonard Grospe ng bagong rekord na 2.23 metro sa ICTSI Philippine Athletic Championships na ginaganap sa New Clark City Athletic Stadium sa Capas, Tarlac.
Isang buwan matapos mailista ang bagong national at personal best na 2.22m sa NCAA Season 101, muling umariba si Grospe para pagharian ang high jump sa event na suportrado ng PSC.
Sinubukan ng Thailand SEA Games bronze meda-list na makuha ang 2.25m subalit bigo ito.
Wagi rin si Paris Olympian Lauren Hoffman sa 100-meter hurdles sa bilis na 13.55 segundo para talunin sina reigning 33rd SEA Games champion Dina Aulia na may 13.63 at Pinay bet Jelly Diane Paragile na may 14.16.
Nanaig din si two-time SEAG men’s 110-meter hurdles gold medalist Clinton Kingsley Bautista tangan ang 14.26 segundo para pataubin sina teammate Tochukwu Okolo (14.43) at Papua New Guinea’s Robert Oa (14.51).
- Latest
