Spurs nakaisa sa knicks
NEW YORK — Itinala ni Victor Wembanyama ang kanyang unang panalo sa NBA Finals, habang kaila-ngan pa ng Knicks na magtrabaho para wakasan ang kanilang 53-year cham-pionship drought.
Humakot ang 7-foot-4 na si Wembanyama ng 32 points, 8 rebounds at 6 assists para banderahan ang San Antonio Spurs sa 115-111 panalo sa New York at idikit sa 1-2 ang kanilang best-of-seven series.
Nagdagdag si Stephon Castle ng 23 markers.
“I’m sure Victor has numerous sources of motivation,” ani Spurs coach Mitch Johnson sa kanyang French star center. “I don’t think any of us are surprised or expect anything different than a strong performance.”
Tinapos nila ang 13-game winning streak ng Knicks sa playoffs sa harap ni US President Donald Trump.
Huling natalo ang New York noong Abril 23 mula sa isang one-point loss sa Atlanta Hawks bago magkakasunod na manalo sa Hawks, Philadelphia 76ers, Cleveland Cavaliers at San Antonio sa Games One at Two ng NBA Finals.
Diniskaril ng 22-anyos na si Wembanyama at ng Spurs ang hangad na unang panalo ng Knicks sa kanilang unang NBA Finals home game simula noong 1999.
“At home, it really feels like playing six against five. Here, it feels like five against six,” wika na Wembanyama. “It really shows what teams are made of.”
Kumamada si Jalen Brunson ng 32 points at may 28 markers si OG Anunoby para sa New York na kinuha ang 64-57 halftime lead.
Nakabangon ang San Antonio para agawin ang 111-104 abante mula sa three-point shot ni Castle sa huling 1:53 minuto sa fourth quarter.
Ang dalawang free throws ni Castle sa nala-labing 6.8 segundo ang sumelyo sa panalo ng Spurs.
Nag-ambag si Fil-Am guard Dylan Harper ng 13 points sa pagresbak ng San Antonio.
Nakatakda ang Game Four bukas kung saan target ng New York na maitayo ang 3-1 lead sa serye.
- Latest
