National Master Rommel Ganzon naghari sa CEPCA President's Cup 2026

CEBU, Philippines — Si National Master Rommel Ganzon maoy gikoronahang kampiyon sa Cebu Executives and Professionals Chess Association (CEPCA) President's Cup 2026 niadtong Sabado, Mayo 30, didto sa CCC Chess Club nga nahimutang sa 4th floor sa Robinsons Galleria Cebu.

Si Ganzon mikumpleto sa siyam ka hugna nga kompetisyon uban ang labing taas nga 8.0 puntos aron sakmiton ang titulo nga nagtangag og P20,000 nga premyo kortesiya ni CEPCA President Engr. Jerry Maratas. Nagtabla ang upat ka players uban ang 7.5 puntos apan si Arena Grandmaster Venancio Loyola, Jr. ang miangkon sa P10,000 nga ikaduhang ganti kortsesiya sa mas taas niyang tiebreaker.

Mibulsa si NM Merben Roque og P5,000 isip 3rd placer samtang sila si NM Elwin Retanal ug John Dave Lavandero nakadawat og P3,000 ug P2,000 sa pagpahiluna nila sa ikaupat ug ikalimang dapit.

Naglangkob sa Top 10 uban ang 7.0 puntos matag usa mao sila si Limuel Tampus, Edem Diano, Arena International Master Rogel Niño Panilagao, Ariel Joseph Abellana, ug AIM Jimmy Ty Jr.

Natud sa Top 15 sila si International Master Rico Mascariñas, John Lester Belano, NM Leonardo Alidani ug Eric Abanco ubvan ang 7.0 puntos ug Christopher Tubalado uban ang 6.5 puntos.

Sa laing bahin, ang Top 2 players sa tagsa-tagsa nila ka mga kategoriya mao sila si Loyola ug Rosendo Yamyamin (Cepcans A), Richard Ouano ug Stephen Rosales (Cepcans B), Mascariñas ug Alidani (senior), Yoana Kaizzy Pacina ug Shyr Nicole Cimafranca (female), Mikhail Paul Natyhan Leyco ug Princess Jean Rabor (8 Under), Zypherr Kyle Abalo ug Nino Jose Credo (12 Under), Jacqpatch Immanuel Abalo ug AIM Kale Aarva Amit (16 Under), ug Lavandero ug Tampus (20 Under).