Santos gagawin lahat para sa korona

MANILA, Philippines — Ito ang kauna-unahang finals appearance ni Cignal star spiker Erika Santos.

Kaya naman hindi na ni­ya pakakawalan ang pag­­kakataong makamit ang pinapangarap na Premier Volleyball League (PVL) title.

“Masaya kasi malaking experience talaga eh,” sabi ni Santos. “Lalo na first time kong mag-Finals, so ga­gawin ko ‘yung best ko.”

Magkasunod na tinalo ng Super Spikers ang Farm Fresh Foxies at Creamline Cool Smashers sa single round-robin semifinals para makuha ang unang finals berth ng 2026 PVL All-Fi­li­pino Confe­rence.

Tinapos din ng Cool Smashers ang semis sa 2-1 mula sa mga panalo sa PLDT High Speed Hitters at Foxies.

Sisimulan ng Cignal at Creamline ang kanilang best-of-three championship series sa Martes sa Smart Araneta Coliseum.

“Iyong uhaw kasi ang ta­gal nito eh, parang ilang years din in the making ta­pos finally nandito na sa Fi­nals,” sabi ng 28-anyos na dating outside spiker.

Nauna nang winalis ng Cool Smashers ang Super Spikers, 3-0, sa 2024 Invita­tionals na siyang na­ging hu­ling pagrereyna ng tropa ni coach Sherwin Meneses.

Tinalo ng Creamline ang Cignal sa preliminaries bago nakabawi ang huli sa Qualifying Round at semis.