SAMBO event idaraos ng PSC sa Hunyo
MANILA, Philippines — Ang pamamahala sa 2026 Asia and Oceania SAMBO Championships na inihahandog ng Philippine Sports Commission (PSC) ang magpapakilala sa bansa bilang isang premier destination para sa mga international combat sports.
Ito ang sinabi ni PSC chairman Patrick ‘Pato’ Gregorio sa event na nakatakda sa Hunyo 23 hanggang 28 sa Ninoy Aquino Stadium sa Malate, Manila.
“Sambo is a sport that needs exposure in the Philippines. Although it’s not an Olympic sport, it is included in the World Games and Asian Games, and we hope grassroots development will allow it to flourish,’’ ani Gregorio katuwang si Philippine Olympic Committee (POC) president Abraham ‘Bambol’ Tolentino.
May basbas ng International SAMBO Federation (FIAS) at ng Sambo Union of Asia and Oceania (SUAO), sasalang sa torneo ang mga elite athletes mula sa 29 bansa para paglabanan ang 72 gold medals na nakalatag sa youth, junior at adult divisions.
Idaraos ang naturang event sa ilalim ng National Sport Tourism–Inter Agency Committee (NST?IAC) na pinamumunuan din ni Gregorio.
- Latest
