Villapando babandera sa BVR Nuvali Open

MANILA, Philippines — Masisilayan ang mga Alas Pilipinas stalwarts na papalo sa 2026 Season ng Beach Volleyball Republic on Tour (BVR) sa Nuvali Sand Courts sa Sta. Rosa Laguna sa Marso 28-29.

Pangungunahan nina Pinay netters Sunny Villapando at Gen Eslapor ang mga kalahok sa women’s open division, kasama rin ang ibang national pool members na sina Alexa Polidario at Jenny Gaviola, Sofiah Pagara at Khy Progella, at Gry Matibag at Khy Orillaneda.

Sina Villapando at Espolar ay kasama sa miyembro ng Alas SEA Games, 2025 gold medal winning squad.

Ang ibang koponan na kasali ay ang University of Santo Tomas pairs nina Lorien Gamboa at Cameron Villaluz at Jheliane Auxtero at Francine Osis, pambato ng National University na sina Vilmarie Toos at Honey Grace Cordero, Frenchie Premaylon at Patricia Leanne Arciaga ng Far Eastern University, Kryssia Ornos at Jelainne Camia,  ng University of the Philippines, tambalang Janella Guarino at Sym Ildefonso, Janella Guarino at Sym Ildefonso, panargo ng La Salle na sina Abigail Sinson at Sandrina Sajnani at mula sa Ateneo na sina Ten Quimpo at Julienne Mindanao.

May total na 32 teams sa Open Division, 16 sa women at 16 sa men ang naghayag na ng pagsali sa two-day tournament.

Kasama sa highlight ng kompetisyon ay ang U18 girls category na unang beses na ilalaro sa BVR kung saan ay may walong teams ang magpapaligsahan para sa titulo.

Hahataw naman sa men’s open side ay sina Alas’ Ronniel Rosales at Ranran Abdilla, Edwin Tolentino at Lerry Francisco, at Aidam Adam at Alihfaisal Gampong.