Round 1
Parang Thrilla in Manila nila Muhammad Ali at Joe Frazier nung 1975.
‘Yan ang naganap sa Araneta Coliseum, sa PBA Commissioner’s Cup game ng defending champion TNT at Rain or Shine ‘nung Biyernes.
Nag-suntukan sila Glenn Khobuntin ng TNT at ang 6-foot-8 import na si Jaylen Johnson ng ROS.
Sa last six minutes naganap matapos ang balyahan ng dalawa sa loob. Tumumba sila pareho at sa pagbangon, tumapon ng uppercut si Khobuntin.
Counterpunch agad ang import. Then si Khobuntin. Then si Johnson. Natigil lang ‘nung marami nang umawat.
May daplis, may tumama. Thrown out sila pareho. Ang resulta fines and suspensions ang hatol ni Super Commissioner Willie Marcial. Closed fist punches eh.
Parehong galit ang coaches, si Chot Reyes ng TNT sa talo kahit na naglaro ang 7-foot-3 na si Bol Bol, at si Yeng Guiao ng RoS na may maanghang na pasaring kay Khobuntin.
Ang sabi ni Khobuntin, nangyari na ang nangyari at ready siya to face the consequences.
Ang sabi ng import, “It will never happen again.”
Ang old excuse: bugso lang ng damdamin.
Abangan din natin kung may Round 2.
- Latest
