Lady Altas dumikit sa bonus
MANILA, Philippines — Winalis ng University of Perpetual Help System DALTA ang Jose Rizal University, 25-l4, 25-22, 25-20, sa NCAA Season 101 women’s volleyball tournament kahapon sa San Andres Sports Complex sa Manila.
Sa bitbit na 9-2 record sa Group A ay pinalakas ng Lady Altas ang tsansa sa ‘twice-to-beat’ incentive sa quarterfinals.
Pumalo si Charisse Enrico ng 15 points mula sa 12 attacks at tatlong blocks habang may tig-13 at 1 markers sina Cyrille Almeniana, Camille Bustamante at Jemalyn Menor, ayon sa pagkakasunod.
Naglista si setter Fianne Ariola ng 22 excellent sets at tumipa si libero Jodi Lozano ng excellent 18 digs para sa tropa ni coach Sandy Rieta.
Panalo naman ang Altas sa Heavy Bombers, 25-19, 25-19, 25-23, sa men’s division.
Humampas si team captain Jester Bornel ng 16 points mula sa pitong attacks, pitong blocks, at dalawang aces para sa 8-3 baraha ng koponan ni mentor Macky Carino sa Group A.
Nag-ambag si John Castil ng 13 markers para mabawi ang solo top spot at dumikit sa outright quarterfinals berth.
Laglag ang Heavy Bombers sa 1-10 marka.
- Latest
