Cabc 3rd mortaband cup .

Duraplas Lite magsugod na pagdepensa sa ilang korona

Ang defending champion Duraplas Lite magsugod na pagpanalipod sa ilang trono sa dihang ang Cebu Architects Basketball Club (CABC) 3rd Mortaband Cup  mosikad na karong adlawa (Domingo, Enero 25) sa Game Changer Sports Facility sa dakbayan sa Mandaue.

Gipaabot nga mohatag sa Duraplas Lite og malisud nga hagit mao ang Mortaseal Flexi, Mortashield, Mortapaint Pro, Mortaplug, ug Mortaflow.

Moduwa sila og single round robin sa eliminasyon diin ang Top 2 makaangkon og awtomatik nga luna sa semifinals.

Ang No.3 team makigharong sa No.6 samtang ang No.4 mosakbang batok sa No.5 alang sa laing mga puwesto sa semis.

Ang kampiyonato usa ka knockout match.

Sama sa miaging seasons, ang torneyo magsubay og 'barangayan' format diin ang mata'g player nga naa sa bench kinahanglan nga moduwa. Ang pagbinayloay og players kon substitutions tugotan lamang sa second half