Doncic nangu sa LA Lakers batok Hawks

CEBU, Philippines — Si Luka Doncic mipasundayag na sab og impresibong abilidad sa dihang ang Los Angeles Lakers miligid ngadto sa ikaunom nilang sagunson nga daog uban ang 124-114 nga pagpasukarap sa Atlanta Hawks sa NBA kagahapong adlawa didto sa State Farm Arena sa Atlanta, Georgia.

Ang Slovenian All-Star guard miharos og 32 puntos, 10 ka assists, walo rebounds, lima ka steals ug duha ka blocks sa laing dalaygon nga performance.

Uban ang average ni Doncic nga 40 puntos matag duwa ning season, ang Lakers nag-una karon sa Western Conference bitbit ang 10-2 rekord. Ang Hawks natagak sa 7-5.

Nakaangkon hinoon si Doncic og dakong suporta sa iyang mga kauban, apil si Sandro Mamukelashvili nga milansang og lima ka 3-pointers sa iyang 23 puntos.

Si Walker Kessler midugang og 21 puntos samtang sila si Collin Sexton ug Ziaire Williams nagkumbinar og 30 puntos sa balanseng ataki sa Lakers.

Sa laing bahin, ang Detroit Pistons miinat sa ilang baraha ngadto sa 7-3  human gipakaging sa Washington Wizards, 122-111.

Si John Collins ang bida sa Pistons uban ang 24 puntos.

Sama sa Pistons, 7-3 na sab ang Memphis Grizzlies human gipayaka ang Toronto Raptors, 118-102.

Samtang ang Cleveland Cavaliers nahagba sa mga kamot sa Charlotte Hornets, 124-112.