NCAA Season 101 Final Four kumpleto na
MANILA, Philippines — Lalabanan ng University of Perpetual Help System DALTA ang Colegio de San Juan de Letran, habang sasagupain ng San Beda University ang College of St. Benilde sa Final Four ng NCAA Season 101 men’s basketball tournament.
Ito ang naitakda matapos sibakin ng Knights ang Arelllano Chiefs, 77-69, sa kanilang ‘do-or-die’ quarterfinals game para sa semifinals spot kahapon sa FilOil Centre sa San Juan City.
Humakot si Jimboy Estrada ng 19 points, 5 rebounds at 3 assists para sa 20-time NCAA champions.
Magduduwelo ang Letran at Perpetual Help sa best-of-three semifinals series na magsisimula sa Martes sa Smart Araneta Coliseum.
Nauna nang tinalo ng Knights ang Chiefs, 87-78, sa una nilang bakbakan sa quarterfinals.
May bitbit na ‘twice-to-beat’ advantage ang Arellano bilang Group A No. 2 team.
Nagbalik ang Letran sa Final Four matapos maghari noong Season 98 (2022).
Sa unang laro, pinatalsik naman ng Blazers ang dating kampeong Mapua Cardinals, 74-72, patungo sa semifinals kalaban ang Red Lions.
Ito ang pang-limang sunod na Final Four appearance ng St. Benilde na nagdala ng ‘twice-to-beat’ bonus laban sa Mapua.
Kumolekta si Raffy Celis ng 18 points, 4 rebounds at 3 assists para pamunuan ang Blazers habang may 12 at 11 markers sina Ian Torres at Tony Ynot, ayon sa pagkakasunod.
Pinamunuan ni JC Recto ang Cardinals sa kanyang 18 points kasunod ang 17 markers ni Cyrus Cuenco.
Nagkaroon si Recto ng tsansang maitabla ang Mapua sa huling 5.5 segundo ng fourth quarter para sana sa overtime.
Ngunti parehong mintis ang free throws ni Recto na tuluyan nang sumelyo sa panalo ng St. Benilde
- Latest
