Trinidad, Ordonez at Abubakar sumampa sa semis
CHENGDU, China - Umagaw ng eksena sina wakeboarders Raph Trinidad at Eric Ordonez at muay thai bet Rudzma Abubakar sa 2025 World Games kahapon dito.
Umiskor si Trinidad ng 80.20 points sa cable wakeboarding para manguna sa kanyang heat at tumersera sa 10 qualifiers sa semifinals.
Pumangatlo si Trinidad kina Max Milde ng Germany (83 points) at Loic Deschaux ng France (80.40) sa qualification round.
Sa wake surfing, swak din sa semis si Ordonez sa kanyang 36.67 points para makasama sa walo pang semifinalists.
Kahanay niya sina elite athletes Jett Lambert ng USA (83.75) at BM Jomboon ng Thailand (80) na nanguna sa kani-kanilang heats.
Sina Trinidad at Ordonez kasama ang 47-strong Philippine delegation ay suportado nina Philippine Olympic Committee (POC) president Abraham “Bambol” Tolentino at Philippine Sports Commission (PSC) chairman Patrick Gregorio.
Sa Sichuan Gymnasium, umabante si Abubakar sa semifinals sa bisa ng 30-27 panalo sa mas matangkad na si Anastasiia Mykhailenko ng Ukraine sa women’s muay thai.
- Latest
