Alas Pilipinas olats sa Thais

MANILA, Philippines — Matapos angkinin ang first set ay hindi na napanatili ng mga Pinay spikers ang kanilang bangis sa sumunod na tatlong frames.

Nakalasap ang Alas Pi­lipinas ng 25-17, 24-26, 20-25, 20-25 kabiguan sa Thailand sa paghataw ng 2025 SEA V.League Leg 1 kahapon sa Terminal 21 Korat Gymnasium sa Na­khon Ratcha­sima.

Umatake sina Angel Canino, Alyssa Solomon at Eya Laure mula sa magagandang sets ni team captain Jia De Guzman para ku­nin ang first set.

Inagaw ng Na­tio­nals ang 24-23 abante sa se­cond frame matapos ang pa­lo ni Canino.

Nakabangon ang mga Thai hitters at sinikwat ang 26-24 panalo.

Binuksan ng Thailand ang third set sa 6-0 patungo sa paglilista ng 10-2 kala­ma­ngan na naputol ng Alas Pilipinas sa 20-21.

Muling kumawala ang mga Thais para iposte ang 2-1 bentahe at tuluyan nang tinapos ang laro sa 3-1.

Sasagupain ng Alas Pilipinas ang Vietnam nga­yong alas-2:30 ng hapon.