Pacquiao ikakasa sa mas malalaking laban kung...
LAS VEGAS -- Ang isang historic win bukas (Manila time) laban sa isang reigning champion ay mangangahulugan lamang na mananatili pa ang 46-anyos na si Manny Pacquiao.
May mga usap-usapan nang may naghihintay na mas malalaking laban para sa Filipino icon kung tatalunin niya si World Boxing Council welterweight champion Mario Barrios dito sa MGM Grand Garden Arena.
Nariyan ang posibleng upakan nila ni hard-punching Gervonta Davis (30-0-1, 28 knockouts) na kasalukuyang isa sa malaking bituin sa boxing.
At siyempre, ang rematch kay Floyd Mayweather Jr. ay hindi mawawala sa pag-uusap kay Pacquiao na tatapusin ang four-year retirement para mapanatili ang kanyang legacy.
Magagandang pagkakataon ang naghihintay sa isang boxing star kagaya ni Pacquiao kung siya ang lalabas na panalo.
“A win here puts him in the stratosphere, that he’s bigger than anybody in boxing and a lot of sports in the world,” wika ni Sean Gibbons, ang presidente ng MP Promotions ni Pacquiao, sa mga Filipino sportswriters kahapon.
“This isn’t a Las Vegas story. This is a worldwide story. A fighter trying to accomplish something that’s never been done. At 46 years old, breaking his own record that he had at 40 years old,” dagdag nito sa magiging panalo ni Pacquiao kay Barrios.
Gumawa na ng kasaysayan si Pacquiao noong 2019 nang sa edad na 40-anyos ay talunin niya si Keith Thurman para makamit ang WBA welterweight diadem.
At ang 30-anyos na si Barrios ang haharang ngayon sa kanyang hangarin.
Ang bentahe ng Mexican-American ay ang kanyang kabataan, laki at aktibidad.
- Latest
