James, Davis lalaro sa preseason
EL SEGUNDO, Calif. — Paglalaruin ni bagong head coach JJ Redick sina LeBron James at Anthony Davis sa mga unang preseason games ng Los Angeles Lakers imbes na ipahinga ang dalawa matapos ang pagkampanya para sa Team USA sa Paris Olympics.
Ngunit hindi sinabi ni Redick kung ilang minuto niya isasalang sina James at Davis sa pagharap ng Lakers sa bisitang Minnesota Timberwolves ngayon at laban sa Phoenix Suns sa Lunes.
“Still talking through it,” sabi ni Redick matapos ang third day ng training camp ng LA team. “They’re going to play this weekend. But we’re still talking through what minutes and rotations look like for everybody.”
Magbubukas ang NBA season sa Oktubre 22.
Sa nakaraang preseason ay naupo sa bench si James sa unang laro ng Lakers, habang hindi sumabak sa aksyon si Davis sa ikatlong laban nila.
Puwede ring sabay na paglaruin ni Redick si James at anak nitong si Bronny.
- Latest
