EJ out na sa 2024 season
MANILA, Philippines — Tinapos na ni Olympian EJ Obiena ang 2024 season kung saan hindi na ito magpapartisipa pa sa mga natitirang international tournaments sa taong ito.
Ito ay upang makapagpahinga ang Pinoy pole vaulter dahil sa iniinda nitong injury.
Natuklasan na may fractured L5 vertebra ito sa kanyang lower spine na pangunahing sanhi ng pananakit ng kanyang likuran sa oras na sumasabak ito sa laban.
Mangangailangan ito ng halos isang buwan na pahinga upang tuluyang maghilom.
Kaya naman minabuti na ni Obiena na ipagpaliban na ang mga torneong nakalinya sa season na ito.
“I am sorry to announce that I must call a premature close to my 2024 season,” ani Obiena.
Tatlong malalaking torneo ang nakaabang pa sanang lahukan ni Obiena — ang ISTAF Berlin sa Germany, Wanda Diamond League Zurich Leg sa Switzerland at sa Wanda Diamond League final.
Kasama pa rito ang international pole vault competition na nais sana ihost ni Obiena sa Setyembre 20 sa Maynila kasama ang mga world class pole vaulters.
Ikinuwento ni Obiena na nakaramdam ito ng pananakit ng likod nang lumaban ito sa Wanda Diamond League Silesia Leg sa Poland.
Nagkasya lamang sa ikalimang puwesto doon si Obiena tangan ang 5.82m.
- Latest
