PLDT babalik agad sa porma vs Farm Fresh
MANILA, Philippines — Pipilitin ng PLDT na makabangon mula sa kabiguan sa pagsagupa sa Farm Fresh sa Pool A ng 2024 Premier Volleyball League (PVL) Reinforced Conference.
Sasagupain ng High Speed Hitters ang mapanganib na Foxies ngayong ala-1 ng hapon sa Philsports Arena sa Pasig City.
Haharapin naman ng Creamline Cool Smashers ang Nxled Chameleons sa alas-3 ng hapon kasunod ang bakbakan ng Chery Tiggo Crossovers at Galeries Tower Highrisers sa alas-5 ng hapon.
Tabla sa itaas ng team standings ang PLDT, Creamline at Chery Tiggo sa magkatulad nilang 3-1 kartada kasunod ang Farm Fresh (2-2), Nxled (1-3) at Galeries Tower (0-4).
Ang top three teams sa Pool A ang makikipagtuos sa bottom three squads sa Pool B sa crossover round na hahataw sa Sabado.
Nagmula ang High Speed Hitters sa isang five-set loss sa Crossovers, habang umiskor ang Foxies ng panalo kontra sa Highrisers at Chameleons.
“PLDT is a very good team both on offense and defense, so we need to perfectly execute our Japanese system and focus more on our defense,” sabi ni Farm Fresh Japanese coach Shota Sato sa pamamagitan ng translator.
- Latest
