Cebu Marathon 2025 gilusad, rehistrasyon bukas na
CEBU, Philippines — Abli na ang rehistrasyon alang sa AIA Cebu Marathon 2025 nga gikatakda sa Enero 12 sunod tuig nga magsugod ug mahuman gihapon sa SM Seaside City agi sa Cebu-Cordova Link Expressway (CCLEX).
Sa usa ka press conference kagahapon didto sa Seaview Wing sa SM Seaside City, ang Cebu Executive Runners Club (CERC) nga gipangulohan sa presidente nilang si Jesse Taborada mipahibawo nga kadtong mga interesado mosalmot makapahimus sa dakong diskwento atol sa ekslusibo nilang early bird registration period nga modagan hangtud sa Septiembre 30.
"This is the earliest registration we ever had. We are doing this hoping to reach our target record number of 10,000 participants for our next edition," kanayon pa ni Cebu City Sports Commission chairman John Pages, usa sa mga nagpasiugda sa CCM.
Kadtong magprehistro niining panahona pabayron lamang og P1,199 alang sa 6K ug 12K apil na niini ang singlet ug finisher's shirt, P2,299 sa 25K, ug P2,499 sa 42K apil na ang singlet, event towel, finisher's shirt ug medal.
Ang regular nga rehistrasyon gikan sa Oktubre 1 ngadto sa Nobiembre 15 nagkantidad og P1,499 sa 6K ug 12K, P2,799 sa 25K, ug P2,999 sa full marathon. Alang sa dugang detalye, mahimong mobisita sa cebumarathon.com.ph.
- Latest
