ACL Season 2 mi-arangkada na

CEBU, Philippines — Ang Season 2 sa Athletic Cebu League (ACL) malampuson nga misikad didto sa Sacred Heart Center Sports Club sa may dalan D. Jakosalem Street sa dakbayan sa Sugbo.   

Si ACL commissioner Mardion Delima nagkanayon nga 20 ka teams nga gibahin sa upat ka brackets ang mopakita'g aksiyon sa torneyo.

Ang mga partisipanteng hospital mao ang Cebu Doctors, Chong Hua, Vicente Sotto, UCMed, NorthGen ug SouthGen, Maayo, St. Vincent, Adventist, Mactan Doctors, Perpetual Succour, ug St. Anthony Mother and Child.

Moduwa sila og single round robin sa eliminasyon.

Ang top 2 teams matag bracket moabante sa crossover playoffs. Ang nga mananaog molahos sa semis ug dayon sa kampiyonato.

Sa laing bahin, si Almirah Orbase sa Chong Hua-Mandaue maoy gikoronahang Miss ACL Season 2. Si Chelsea Bolaño sa Chong Hua-Fuente misakmit sa Ms. Badbeat Sportswear award, samtang si Nicole Mykaela Miñoza sa Mactan Doctors Hospital ang Ms. Mardion D. Sports.