Toledohanon morepresenta sa Pilipinas sa ASEAN chess tournament

CEBU, Philippines — Ang Sugbuanang chess player nga si Apple Rubin modala sa bandila sa Pilipinas sa umaabot nga 22nd ASEAN Age Group Chess Championships nga gikatakda karong Agosto 21-31 didto sa Vientiane, Laos.

Si Rubin naka-angkon og katungod nga morepresenta sa nasud sa prestihiyosong internasyonal nga kompetisyon tungod sa maanindot niyang salida atol sa 2024 National Age Group Chess Championships Grand Finals sa miaging semana didto sa Dapitan Sports and Cultural Complex sa Dapitan City, Zamboanga del Norte.

Mitapos siya sa ikaduhang luna sa blitz ug nalandig sa ikatulong dapit sa standard ug rapid play.

Si Rubin miangkon sab sa unang puwesto sa Under 14 category sa FIDE-rated Mayor Bullet Jalosjos Open Rapid Chess Tournament diin ang mga chess masters mikumbati bisan unsa pay ilang edad.

Si Rubin usa sa labing hait nga mga produkto sa dalaygong  grassroots program sa Toledo-Xignex Trojans Chess Club ubos sa paggiya ni Atty. Jeah Jean Gacang.

"We are always rooting for you, Apple! Remember, when you're passionate about what you do, God will bring people into your life who believe in you and your dreams, and who will support you in every way possible," matud pa ni Gacang.

"As long as you persevere in pursuing your dreams, we're here for you. This message is for all dreamers too Keep making history and may you continue to fly and soar high as an athlete, growing in this journey with faith from above," padayon pa ni Gacang.

Atol sa usa ka courtesy call ning bag-ohay pa lamang, si Toledo Mayor Marjorie “Joie” Perales mipadayag sa hugot niyang suporta ngadto ni Rubin ilabi na sa umaabot niining mga kalihukan.

"Apple, there will be more opportunities for you. You have been the pride of Toledo. This made me push to even support sports tourism! We will be conducting and supporting sports diri sa atong dakbayan and through it, daghan pa ta’g makit-an from grassroots gyud," dason pa ni Perales.

"One thing nga mas na proud ko ni Apple is her heart for her family. As early as the age of 14, she has been helping them through her talent. Mao nga we will make more 'APPLEs' here in Toledo. Keep reaching your dreams, our Apple. Naa rami mo-support nimo. Good luck on your tournament in Laos. Bring home the victory!" panapos pa ni Perales.